Sacred Stotras & Deities

శ్రీ పాండురంగాష్టకం

మహాయోగపీఠే తటే భీమరథ్యా
వరం పుండరీకాయ దాతుం మునీంద్రైః |
సమాగత్య తిష్ఠంతమానందకందం
పరబ్రహ్మలింగం భజే పాండురంగం || 1 ||
తటిద్వాససం నీలమేఘావభాసం
రమామందిరం సుందరం చిత్ప్రకాశం |
వరం త్విష్టకాయాం సమన్యస్తపాదం
పరబ్రహ్మలింగం భజే పాండురంగం || 2 ||
ప్రమాణం భవాబ్ధేరిదం మామకానాం
నితంబః కరాభ్యాం ధృతో యేన తస్మాత్ |
విధాతుర్వసత్యై ధృతో నాభికోశః
పరబ్రహ్మలింగం భజే పాండురంగం || 3 ||
స్ఫురత్కౌస్తుభాలంకృతం కంఠదేశే
శ్రియా జుష్టకేయూరకం శ్రీనివాసం |
శివం శాంతమీడ్యం వరం లోకపాలం
పరబ్రహ్మలింగం భజే పాండురంగం || 4 ||
శరచ్చంద్రబింబాననం చారుహాసం
లసత్కుండలాక్రాంతగండస్థలాంతం |
జపారాగబింబాధరం కంజనేత్రం
పరబ్రహ్మలింగం భజే పాండురంగం || 5 ||
కిరీటోజ్జ్వలత్సర్వదిక్ప్రాంతభాగం
సురైరర్చితం దివ్యరత్నైరనర్ఘైః |
త్రిభంగాకృతిం బర్హమాల్యావతంసం
పరబ్రహ్మలింగం భజే పాండురంగం || 6 ||
విభుం వేణునాదం చరంతం దురంతం
స్వయం లీలయా గోపవేషం దధానం |
గవాం బృందకానందదం చారుహాసం
పరబ్రహ్మలింగం భజే పాండురంగం || 7 ||
అజం రుక్మిణీప్రాణసంజీవనం తం
పరం ధామ కైవల్యమేకం తురీయం |
ప్రసన్నం ప్రపన్నార్తిహం దేవదేవం
పరబ్రహ్మలింగం భజే పాండురంగం || 8 ||
స్తవం పాండురంగస్య వై పుణ్యదం యే
పఠంత్యేకచిత్తేన భక్త్యా చ నిత్యం |
భవాంభోనిధిం తే వితీర్త్వాంతకాలే [తేఽపి] హరేరాలయం శాశ్వతం ప్రాప్నువంతి || 9 ||
ఇతి శ్రీమత్పరమహంసపరివ్రాజకాచార్యస్య శ్రీగోవిందభగవత్పూజ్యపాదశిష్యస్య శ్రీమచ్ఛంకరభగవతః కృతౌ శ్రీ పాండురంగాష్టకం |

శ్రీ జగన్నాథ పంచకం

జగన్నాథ పంచకం అనేది శ్రీ జగన్నాథుని స్తుతిస్తూ భక్తులు పఠించే ఐదు శ్లోకాల పద్యం.

రక్తాంభోరుహదర్పభంజనమహాసౌందర్యనేత్రద్వయం
ముక్తాహారవిలంబిహేమముకుటం రత్నోజ్జ్వలత్కుండలం |
వర్షామేఘసమాననీలవపుషం గ్రైవేయహారాన్వితం
పార్శ్వే చక్రధరం ప్రసన్నవదనం నీలాద్రినాథం భజే || 1 ||

ఫుల్లేందీవరలోచనం నవఘనశ్యామాభిరామాకృతిం
విశ్వేశం కమలావిలాసవిలసత్పాదారవిందద్వయం |
దైత్యారిం సకలేందుమండితముఖం చక్రాబ్జహస్తద్వయం
వందే శ్రీపురుషోత్తమం ప్రతిదినం లక్ష్మీనివాసాలయం || 2 ||

ఉద్యన్నీరదనీలసుందరతనుం పూర్ణేందుబింబాననం
రాజీవోత్పలపత్రనేత్రయుగళం కారుణ్యవారాంనిధిం |
భక్తానాం సకలార్తినాశనకరం చింతాబ్ధిచింతామణిం
వందే శ్రీపురుషోత్తమం ప్రతిదినం నీలాద్రిచూడామణిం || 3 |

నీలాద్రౌ శంఖమధ్యే శతదళకమలే రత్నసింహాసనస్థం
సర్వాలంకారయుక్తం నవఘనరుచిరం సంయుతం చాగ్రజేన |
భద్రాయా వామభాగే రథచరణయుతం బ్రహ్మరుద్రేంద్రవంద్యం
వేదానాం సారమీశం సుజనపరివృతం బ్రహ్మతాతం స్మరామి || 4 ||

దోర్భ్యాం శోభితలాంగలం సముసలం కాదంబరీచంచలం
రత్నాఢ్యం వరకుండలం భుజబలైరాక్రాంతభూమండలం |
వజ్రాభామలచారుగండయుగళం నాగేంద్రచూడోజ్జ్వలం
సంగ్రామే చపలం శశాంకధవళం శ్రీకామపాలం భజే || 5 ||

శ్రీ దామోదర స్తోత్రం

సింధుదేశోద్భవో విప్రో నాంనా సత్యవ్రతః సుధీః |
విరక్త ఇంద్రియార్థేభ్యస్త్యక్త్వా పుత్రగృహాదికం || 1 ||
వృందావనే స్థితః కృష్ణమారరాధ దివానిశం |
నిఃస్వః సత్యవ్రతో విప్రో నిర్జనేఽవ్యగ్రమానసః || 2 ||
కార్తికే పూజయామాస ప్రీత్యా దామోదరం నృప |
తృతీయేఽహ్ని సకృద్భుంక్తే పత్రం మూలం ఫలం తథా || 3 ||
ఏవం భావసమాయుక్తో భక్త్యా తద్గతమానసః |
పూజయిత్వా హరిం స్తౌతి ప్రీత్యా దామోదరాభిధం || 4 ||
సత్యవ్రత ఉవాచ |
నమామీశ్వరం సచ్చిదానందరూపం
లసత్కుండలం గోకులే భ్రాజమానం |
యశోదాభియోలూఖలే ధావమానం
పరామృష్టమత్యంతతో దూతగోప్యా || 5 ||
రుదంతం ముహుర్నేత్రయుగ్మం మృజంతం
కరాంభోజయుగ్మేన సాతంకనేత్రం |
ముహుః శ్వాసకం పత్రిరేఖాంకకంఠం
స్థితం నౌమి దామోదరం భక్తవంద్యం || 6 ||
వరం దేవ దేహీశ మోక్షావధిం వా
న చాన్యం వృణేఽహం వరేశాదపీహ |
ఇదం తే వపుర్నాథ గోపాలబాలం
సదా మే మనస్యావిరాస్తాం కిమన్యైః || 7 ||
ఇదం తే ముఖాంభోజమత్యంతనీలై-
-ర్వృతం కుంతలైః స్నిగ్ధవక్త్రైశ్చ గోప్యా |
ముహుశ్చుంబితం బింబరక్తాధరం మే
మనస్యావిరాస్తామలం లక్షలాభైః || 8 ||
నమో దేవ దామోదరానంత విష్ణో
ప్రసీద ప్రభో దుఃఖజాలాబ్ధిమగ్నం |
కృపాదృష్టివృష్ట్యాఽతిదీనం చ రక్ష
గృహాణేశ మామజ్ఞమేవాక్షిదృశ్యం || 9 ||
కుబేరాత్మజౌ వృక్షమూర్తీ చ యద్వ-
-త్త్వయా మోచితౌ భక్తిభాజౌ కృతౌ చ |
తథా ప్రేమభక్తిం స్వకాం మే ప్రయచ్ఛ
న మోక్షే గ్రహో మేఽస్తి దామోదరేహ || 10 ||
నమస్తే సుధాంనే స్ఫురద్దీప్తధాంనే
తథోరఃస్థవిశ్వస్య ధాంనే నమస్తే |
నమో రాధికాయై త్వదీయప్రియాయై
నమోఽనంతలీలాయ దేవాయ తుభ్యం || 11 ||
నారద ఉవాచ |
సత్యవ్రతద్విజస్తోత్రం శ్రుత్వా దామోదరో హరిః |
విద్యుల్లీలాచమత్కారో హృదయే శనకైరభూత్ || 12 ||
ఇతి శ్రీమహాపురాణే సత్యవ్రతకృత శ్రీ దామోదర స్తోత్రం |

శ్రీ జగన్నాథాష్టకం

కదాచిత్కాళిందీతటవిపినసంగీతకవరో
ముదా గోపీనారీవదనకమలాస్వాదమధుపః |
రమాశంభుబ్రహ్మాఽమరపతిగణేశాఽర్చితపదో
జగన్నాథః స్వామీ నయనపథగామీ భవతు మే || 1 ||

భుజే సవ్యే వేణుం శిరసి శిఖిపింఛం కటితటే
దుకూలం నేత్రాంతే సహచరకటాక్షం (చ) విదధత్ |
సదా శ్రీమద్బృందావనవసతిలీలాపరిచయో
జగన్నాథః స్వామీ నయనపథగామీ భవతు మే || 2 ||

మహాంభోధేస్తీరే కనకరుచిరే నీలశిఖరే
వసన్ ప్రాసాదాంతః సహజబలభద్రేణ బలినా |
సుభద్రామధ్యస్థః సకలసురసేవావసరదో
జగన్నాథః స్వామీ నయనపథగామీ భవతు మే || 3 ||

కృపాపారావారః సజలజలదశ్రేణిరుచిరో
రమావాణీసోమస్ఫురదమలపద్మోద్భవముఖైః |
సురేంద్రైరారాధ్యః శ్రుతిగణశిఖాగీతచరితో
జగన్నాథః స్వామీ నయనపథగామీ భవతు మే || 4 ||

థారూఢో గచ్ఛన్ పథి మిళితభూదేవపటలైః
స్తుతిప్రాదుర్భావం ప్రతిపదముపాకర్ణ్య సదయః |
దయాసింధుర్బంధుః సకలజగతాం సింధుసుతయా
జగన్నాథః స్వామీ నయనపథగామీ భవతు మే || 5 ||

పరబ్రహ్మాపీడః కువలయదళోత్ఫుల్లనయనో
నివాసీ నీలాద్రౌ నిహితచరణోఽనంతశిరసి |
రసానందో రాధాసరసవపురాలింగనసుఖో
జగన్నాథః స్వామీ నయనపథగామీ భవతు మే || 6 ||

న వై ప్రార్థ్యం రాజ్యం న చ కనకతా భోగవిభవే
న యాచేఽహం రంయాం నిఖిలజనకాంయాం వరవధూం |
సదా కాలే కాలే ప్రమథపతినా గీతచరితో
జగన్నాథః స్వామీ నయనపథగామీ భవతు మే || 7 ||

హర త్వం సంసారం ద్రుతతరమసారం సురపతే
హర త్వం పాపానాం వితతిమపరాం యాదవపతే |
అహో దీనానాథం నిహితమచలం పాతుమనిశం
జగన్నాథః స్వామీ నయనపథగామీ భవతు మే || 8 ||

ఇతి శ్రీమత్పరమహంసపరివ్రాజకాచార్యస్య శ్రీగోవిందభగవత్పూజ్యపాదశిష్యస్య శ్రీమచ్ఛంకరభగవతః కృతౌ శ్రీ జగన్నాథాష్టకం సంపూర్ణం |

Those who surrender to Lord Vishnu with pure faith find relief from mental distress, obstacles, and hardships. His compassion calms troubled hearts, His wisdom guides righteous paths, and His divine grace transforms pain into peace. Remembering Vishnu Bhagwan’s name brings inner strength, hope, and spiritual comfort, making Him truly “Dukh Harta”—the one who takes away all sorrows.

Dukh Harta Vishnu Bhagwan is the supreme preserver of the universe and the eternal protector of dharma. He is lovingly worshipped as the remover of sorrow, fear, and suffering. Vishnu Bhagwan resides in Vaikuntha, resting on the cosmic serpent Sheshnag, symbolizing infinite peace and stability. With the conch (Shankh), discus (Chakra), mace (Gada), and lotus (Padma) in His hands, He protects devotees from negativity and restores balance in life.